ખજુરભાઈ અને મીનાક્ષી દવેની નવી તસવીરો આવી સામે ! ભગવાને ખુબ સુંદર જોડી બનાવી છે બન્ને ની…જુઓ તસવીરો
ગુજરાતમાં સૌથી લોકપ્રિય વ્યક્તિનું નામ યાદ કરવામાં આવે તો, સૌથી પહેલા ખજૂરભાઈ એટલે કે, ગુજરાતના સોનુ સુદ સમાન નીતિન જાનીની યાદ આવે. ખરેખર ખજૂરભાઈએ દરેક ગુજરાતીઓનું દિલ જીતી લીધું છે, ત્યારે એક સામાન્ય એવી છોકરીએ ખજૂરભાઈનું દિલ જીતી લીધું છે અને આ છોકરી હેતલ મીનાક્ષી દવે. જે ખજૂરભાઈની ભાવી પત્ની છે. જ્યારે ખજૂરભાઈએ પોતાની સગાઈની તસવીરો શેર કરી હતી, ત્યારે સૌ કોઈ ચાહકો ખૂબ જ ખુશ થયા હતા.
ખરેખર આ એક ખૂબ જ આશ્ચયજનક વાત હતી કારણ કે ખજૂરભાઈએ એક એવી છોકરીને પોતાની જીવન સાથી બનાવી જે ખૂબ જ સામાન્ય ઘરની હતી અને લાઇમલાઈટથી પણ દૂર હતી. તમને જાણીને નવાઈ લાગશે કે, ખજૂરભાઈની મીનાક્ષી દવે સાથેની મુલાકાત અંધ માજી રાજીમાના ગામે થઈ હતી. આ સમયે મીનાક્ષીએ સ્વપ્નમાં નહોતું વિચાર્યું કે બંને જીવન સાથી બનશે.
ખજૂરભાઈમાં મમ્મીને મીનાક્ષી દવે ખૂબ જ પસંદ આવી અને તેમને મીનાક્ષીના પિતા પાસે પોતાના દીકરાનું માગું નાખ્યું અને દવે પરિવારે પણ રાજીખુશીથી આ સંબંધ સ્વીકારી લીધો અને આખરે બંનેની ખૂબ જ ધામધૂમથી સગાઈ થયેલ. સગાઈ બાદ બંનેની તસવીરો સામે આવતા સૌ કોઈ ચોંકી ગયા હતા. આ સગાઈની તસવીરો બાદ મીનાક્ષી લાઇમ લાઇટમાં આવી ગઇ.
બસ પછી તો સૌ કોઈ માટે મીનાક્ષી અને ખજૂરભાઈની જોડી લોકપ્રિય બની ગઈ છે. જ્યારે સગાઈ બાદ ખજૂરભાઈ અને મીનાક્ષી દવે બંને પહેલીવાર કાફેમાં મળ્યા હતા ત્યારે તસવીરો ચાહકો સાથે શેર કરી હતી અને હવે ફરી એકવાર ખૂબ જ સુંદર તસવીરો શેર કરી છે.
આ તસવીરોમાં જોઈ શકો છો કે, મીનાક્ષી દવે પર્પલ કલરની ચોલીમાં ખૂબ જ સુંદર લાગી રહી છે, તેમજ ખજૂરભાઈ સિલ્વર શેરવાનીમાં રાજકુમાર જેવા લાગી રહ્યા છે. આ તસવીરો હાલમાં સોશિયલ મીડિયામાં વાયરલ થઈ રહી છે અને સૌ ચાહકો તેમજ કલાકારો પણ વખાણ કરી રહ્યા છે.
