ગુજરાતના લોકપ્રિય ગાયિકા અલ્પાબેન પટેલે અંબાણી પરિવારનું દિલ જીતી લીધું! રાધિકા મર્ચન્ટએ અલ્પાબેન પટેલને શાલ ઓઢાળીને કર્યું સન્માન, જુઓ ખાસ તસવીરો

અંબાણી પરિવાર દ્વારા ધીરુભાઈ અંબાણીની જન્મભૂમિ ચોરવાડ ખાતે ” અનંત અને રાધિકાના પ્રિવેડિંગ સેલિબ્રેશન અંતગર્ત ભોજન સમારંભ અને ભવ્ય લોક ડાયરાનું આયોજન કરવામાં આવ્યું હતું. ” આ ભવ્ય લોક ડાયરામાં કિર્તીદાન ગઢવી અને બ્રીજદાન ગઢવી સહીત લોકપ્રિય ગાયિકા અલ્પાબેન પટેલે ખાસ હાજરી આપી હતી. સૌથી ખાસ વાત એ છે કે, અંબાણી પરિવારે લોક ડાયરામાં ગુજરાતના લોકપ્રિય ગાયિકાઓમાંથી અલ્પાબેનની પસંદગી કરી, જે અલ્પાબેન પટેલ માટે ખુશીની અને ગૌરવની વાત છે. જામનગરના જોગવડ ખાતે આયોજિત લોકડાયરામાં અલ્પાબેન પટેલે અનંત અંબાણી માટે લગ્ન ગીત ગાયું હતું.

ફરી એકવાર ચોરવાડ ખાતે અંબાણી પરિવારે અલ્પાબેનને આમંત્રણ આપીને ” અંબાણી પરિવારની નાનીવહુ રાધિકા મર્ચન્ટે અલ્પાબેનને શાલ ઓઢાડીને સન્માન કર્યું હતું તેમજ અલ્પાબેન પટેલે પણ કોકિલાબેનના ચરણ સ્પર્શ કરીને તેમના આશીર્વાદ લીધા હતા. આ ખુશીની અને અદ્દભુત ક્ષણનો વિડીયો અલ્પાબેન પટેલે સોશિયલ મીડિયા પર અપલોડ કર્યો છે, સાથે પોતાની ખુશી વ્યક્ત કરતા અંબાણી પરિવાર વિષે ખાસ વાત પણ કહી છે.

સોશિયલ મીડિયાના માધ્યમથી અલ્પાબેન પટેલે હર્ષની લાગણી સાથે જણાવતા કહ્યું કે, શ્રીમતી નીતાબેન તથા શ્રીમાન મુકેશભાઈ અંબાણીના સુપુત્ર ચિ. અનંત અંબાણી સંગ ચિ. રાધિકા મર્ચન્ટના પ્રી- વેડિંગ પ્રસંગે અંબાણી પરિવાર તરફથી તારીખ 12 /3/2024 ના રોજ ચોરવાડમાં ભવ્ય લોકડાયરો યોજાયો જેમા શ્રીઅનંત અંબાણી અને રાધિકા મર્ચન્ટ તેમજ શ્રી કોકીલામાંની હાજરીમાં મને ગાવાનો અવસર મળ્યો અને અંબાણી પરિવાર દ્વારા મારું સન્માન થયું એ અણમોલ પળ મને જીવનભર યાદ રહેશે. અંબાણી પરિવારનો હું આ તકે હ્રદયથી ખુબ ખુબ આભાર વ્યકત કરું છું. હાલમાં અલ્પાબેન પટેલનો આ વિડીયો સોશિયલ મીડિયા પર ખુબ જ વાયરલ થઈ રહ્યો છે.

આપણે સૌ કોઈ જાણીએ છે કે, અલ્પાબેન પટેલે પોતાના જીવનના અથાગ મહેનત અને સંઘર્ષ થકી જીવનમાં સફળતા પ્રાપ્ત કરીને ગુજરાતી લોક ગાયિકા તરીકે નામના મેળવી છે, આજે તેમની સફળતા ક્યાં શિખરે પહોંચી છે, તે અંબાણી પરિવારે તેમને આપેલ આમંત્રણ થી જ આપણને અંદાજો આવી જાય.

નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી અખબાર વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો.