પોલીસ બેડા મા દુખ નો મોજુ ફરી વળીયું ! જીપ અને ટ્રક વચ્ચે ભયંકર અકસ્માત મા PSI નુ કમકમાટી ભર્યું મોત…
આપણે જાણીએ છે કે, ગુજરાતમાં અકસ્માતનાં બનાવો દિવસેને દિવસે વધી રહ્યા છે, ત્યારે હાલમાં જ એક સૌથી દુઃખદાયી બનાવ બન્યો છે. માત્ર સામાન્ય લોકો જ નહીં પરંતુ ક્યારેક પોલીસ વિભાગ જેવા અન્ય અધિરકારીઓને પણ અકસ્માત થતો હોય છે. હાલમાં જ પાટણમાં ગમખ્વાર અકસ્માત થયો છે. સૂત્ર દ્વારા જાણવા મળ્યું હતું કે, પાટણના સાંતલપુર પાસે ટ્રક અને પોલીસ જીપવચ્ચે અકસ્માત સર્જાતા પોલીસ વિભાગમાં દુઃખદ લાગણી છવાઈ ગઈ.
આ દુઃખદ બનાવમાં કચ્છના પીએસઆઈ કે. એફ વસાવાનું નિધન થયું છે. આ સાથે અન્ય પોલીસ કર્મીઓ પણ ઇજાગ્રસ્ત થયા છે. આ બનાવ અંગે વિગતવાર માહિતી જાણીએ તો પાટણના સાંતલપુર પાસે ટ્રકે પોલીસની જીપને ટક્કર મારી હતી. સબ ઇન્સ્પેક્ટરનું મોત નીપજ્યું છે, જ્યારે અન્ય પોલીસ કર્મીઓ ઈજાગ્રસ્ત થતાં તેઓને સારવાર માટે હોસ્પિટલમાં ખસેડવામાં આવ્યા છે.
આ દુઃખદ ઘટનાને કારણે પરિવારમાં શોકનું મોજુ ફરી વળ્યું છે. હાલ પોલીસે આ મામલે ગુનો નોંધીને વધુ તપાસ હાથ ધરી છે. આ અકસ્તમાત પહેલા રાધનપુર ગોચનાથ નજીક અકસ્માતની ઘટના બની હતી. જેમાં બે વ્યક્તિના ઘટનાસ્થળે મોત નીપજ્યા હતા. જ્યારે સારવાર દરમિયાન અન્ય એક વ્યક્તિનું મોત નીપજ્યું હતુ. જેથી આ અકસ્માતમાં કુલ ત્રણ લોકોએ પોતાનો જીવ ગુમાવ્યો હતો. પોલીસે ઘટના સ્થળે પહોંચીને ટ્રાફિકની સમસ્યા દૂર કરીને અકસ્માત અંગે વધુ તપાસ હાથ ધરી હતી. મૃતકોને રાધનપુર રેફરલ હોસ્પિટલમાં ખસેડવામાં આવ્યા હતા.
