પ્રખ્યાત તબલા વાદક હાસીયા ઉસ્તાદ આ ગામ થી હતા ! જીવન મા આવી રીતે સંઘર્ષ કરી સફળતા મેળવી હતી પરંતુ ઓછી ઉમરે આવી રીતે મૃત્યુ થયુ…

આ જગતમાં જન્મ લેનાર દરેક વ્યક્તિમાં ઈશ્વરે કંઈક ને કંઈક એવા ગુણો આપેલા જ હોય છે, જેના દ્વારા વ્યક્તિ પોતાના જીવનનું ઘડતર કરી શકે છે. આજે આપણે એક એવી કળાની વાત કરીશું જે ખૂબ જ પ્રખ્યાત છે. કહેવાય છે ને કે, સંગીતના સાતે સુર પણ અધૂરા છે, જ્યાં સુધી તેમાં તબલાનો તાલ ન ગુંજે. આજે આપણે વાત કરીશું ગુજરાતના પ્રખ્યાત તબલા વાદક હસિયા ઉસ્તાદ વિશે. આજે તેઓ ભલે આપણી વચ્ચે ન  નથી પરંતુ તેમણે પોતાનું જીવન સદૈવ સંગીતને અર્પણ કર્યું છે.

આજે આપણે જાણીશું તેમના જીવનની અંગત વાતો વિશે. મોહહ્મદ હુસેન ફકીરમામદ ઉર્ફ હસિયા ઉસ્તાફ નો જન્મ મૂળ માંડવી તાલુકાના મોટા રતળિયા ગામમાં થયેલ.  ઉસ્તાદ ઘણા વર્ષોથી માંડવી ખાતે રહેતા હતા. તેમના પરિવારમાં બે પુત્ર, બે પુત્રી તથા પત્નીની સાથે બે ભાઈઓ છે. આમ પણ સંગીત તો તેમને જન્મથી જ ભેટમાં મળેલ કારણ કે પિતા ફકીરમામદ પાસેથી વારસાઈમાં મળેલી તબલા વાદનની કલા થકી જ તેમને ગુજરાતમાં ઓળખ મળી.

ઘરમાં સંગીતમો સદાય માહોલ રહેવાથી તે તબલા બાળપણ થી વગડાતા અને ઘર ચલાવવા માટે 60, 70 રૂ તેઓ તબલા વગાડી કમાતા હતાં. તેમને 12 વર્ષની ઉંમરે પોતાના ગામમાં મોટા ભજન કાર્યક્રમમાં ગાવાનો અવસર મળ્યો પછી તો ક્યારેય પાછળ ફરીને નથી જોયું અને  છેલ્લા 15 વર્ષ દરમિયાન સંતવાણી ક્ષેત્રે તેમનું નામ અગ્ર હરોળના કલાકારોમાં શામેલ હતું. પ્રાણલાલ વ્યાસ થી લઈને આજના પેઢીના કલાકારો કીર્તિદાન ગઢવી અને રાજભા ગઢવી તેમજ માયાભાઈ સાથે અનેક ભજનોમાં તબલની રમઝટ બોલાવેલ.