ટ્રક વાળા ની ભુલ ના લીધે આહીર પરિવાર મોત ના મુખ મા હોમાયો ! અકસ્માત નો ચોંકાવનારો વિડીઓ સામે આવ્યો…

સોશિયલ મીડિયામાં અનેક પ્રકારની ઘટનાઓ સામે આવતી હોય છે. આમ પણ ખાસ કરીને દિવસે ને દિવસે રોડ અકસ્માતનાની અનેક પ્રકારની ઘટનાઓ બનતી આવે છે, ત્યારે હાલમાં જ ભાવનગર જિલ્લાના વલ્લભીપુર-ઉમરાળા હાઇવે રોડ પર 13 ઓગસ્ટના ના રોજ રાત્રિના સમયે લક્ષ્મી પેટ્રોલ પંપ પાસે કાર અને ડમ્પર વચ્ચે ગમખ્વાર અકસ્માત સર્જાયો હતો.

આ દુઃખદ ઘટનામાં એક જ પરિવારના ત્રણ સહિત ચાર લોકોનાં કમકમાટીભર્યાં મોત નીપજ્યાં હતાં. આ ઘટના CCTV સામે આવ્યા છે. આ વીડિયોમાં તમે જોઈ શકો છો કે, બે ડમ્પરચાલકો હાઇવે પર ઊભા રહીને એકબીજા સાથે વાતચીત કરે છે, ત્યારે ફોર-વ્હીલર ગાડીમાં સવાર પરિવાર ટ્રક પાછળ ઘૂસી જાય છે. સૂત્ર દ્વારા જાણવા મળ્યું હતું કે, અમરેલીનો આહીર પરિવાર સુરતથી પરત આવી રહ્યો હતો.

આ દરમિયાન જ વલ્લભીપુર ઉમરાળા હાઈવે પર તેમની કારને અકસ્માત નડ્યો હતો ત્રણ સભ્યનાં મોત થયાં હતાં તેમજ એકને ગંભીર હાલતમાં હોસ્પિટલમાં ખસેડવામાં આવ્યો હતો, જ્યાં સારવાર દરમિયાન તેણે પણ દમ તોડ્યો હતો.આ અકસ્માત એટલો ભયંકર હતો કે લાશોને બહાર કાઢવા માટે કારનાં પતરાં તોડવા પડ્યાં હતાં.

આ બનાવે અંગે મૃતકના મોટા ભાઈ સામંત ભાભલુભાઈ ભૂવાએ વલ્લભીપુર પોલીસ મથકે ફરિયાદ લખવતાં જણાવ્યું હતું કે મારો નાનો ભાઈ જીલુ તેની પત્ની ગીતા, તેનો પુત્ર શુભમ તથા ભત્રીજો શિવમ સુરતથી સાતમ-આઠમના તહેવારમાં વેકશન મનાવવા ગામડે આવતા હતા ત્રણ સભ્યનાં કમકમાટીભર્યાં મોત નીપજતા પરિવારમાં શોક છવાઈ ગયો હતો. હાલમાં પોલીસે ફરિયાદ નોંધી તપાસ હાથ ધરી હતી